IMG_6041
圖1970年 藍田邨第十五座
版權︰政府新聞處

專題︰觀塘的老照片系列(4)

屬於官塘區的藍田,原名咸田,因為這裏跟官塘一樣是產鹽重地一部份,後來因鹽業式微,70年代政府在這裏興建第一個公屋邨─藍田邨,而「藍」跟「咸」發音上差不多,因而政府便把咸田改稱為藍田。現在藍田邨已被清拆重建。

講起圖中這座藍田邨第十五座公屋,為何會繪上飛龍呢?

首先聲名這跟香港旅遊的象徵飛龍(多數人說像飛雞)沒有關係。

其中一個說法,是當時70年代,藍田因為有水怪,所以常常豪雨成災,因此繪上飛以鎮壓水怪;

亦有另一個居民的說法是︰

「我媽媽當年都係住藍田村果座,但聽佢講條龍既由來又唔係咁講喎,我媽媽話起藍田村時地盤工人挖地時,突然從地下有血水滲出,當時工人都覺得好奇怪,但又唔見有任何屍體,但有傳工人見到有似龍既物體被鋤傷所以有血,因此為左平定人心同安撫傳聞被傷既龍,所以係第15座外牆畫上一條龍,聽聞這條是水龍,因為慘血水既位置就正係15座既位置,當入伙後好多時半夜都會聽到走廊有水聲,第二朝就會全走廊都濕哂,而我媽媽當年都親身經歷半夜聽到有水聲,當時藍田村每間屋都有一排小窗可以睇到走廊,咁飱我媽媽訓上格床所以小窗就係床邊十分方便睇到走廊情況,當年佢聽到水聲時就從小窗望走廊,但一望就靜哂,而且己經好多水係走廊,正常要整濕哂條走廊就要有好長既水喉or好多桶水,但無理由一望就可以將工具收拾得咁快連人都唔見埋,因為條走廊都頗長,因此就有傳聞因為水龍在樓中話動所以整到濕哂」

資料來源︰
http://www16.discuss.com.hk/archiver/?tid-3626651.html

官方說法,是工務局紀念第500座公屋興建,所以繪畫飛龍以作紀念。

你又會信那一個版呢?