纂改歷史書,不單是日本人,還有市建局。之前街坊中傳聞,觀塘重建項目花千幾萬去宣傳,原來還包括,市建局高層修改維基百科,局方的公關大員邱松鶴竟然刪走對市建局不利的條目,又消滅對發展局局長陳茂波的僭建資料,防民之口,甚于防川,刪除事實於微時。維基百科本來就是事實為本的資料庫,估不到市建局手起刀落,這是局方的胸襟嗎?連維基舖陳事實也要看管,是邱生太清閒,還是局方太好管市民呢?
不難想起,袁世凱稱帝,誤信兒子印製<順天時報>,以為自己順應天命,怎料報紙是兒子作假,落得一身敗名,含恨而終。想不到近一百年前的掩耳盜鈴,今天還繼續上演,而且不是第一次,市建局更是積犯,主席張震遠,你老闆說的開誠布公,是講給誰聽的謊言呢?連真話也不想聽,也要刪除,以為能欺世盜名,歷史沒有忘記市建局拆掉香港的歷史、文化和遮民生活。活在自己的世界,打開文滙報、大公報,當成主流民意,不單是市建局,也是特區政府,倒行逆思。

 如其屎片(spinning)doctor政治化妝,自欺欺人,倒不如順應民意。 市建局之前,其下街報觀塘路,揾學生扮街坊,重要揾學生做替死鬼,要好無良心先做到市建局,人工唔易賺啊!想看回,市建局的荒謬,請見︰
相關新聞︰

揪出最貴五毛黨

19-9-2012 蘋果日報
一般人都會以為五毛黨梗係嗰啲對住部電腦、足不出戶嘅毒男、憤青。其實行行出狀元啦,香港有一位專幫市建局同高官喺維基百科做「打手」嘅五毛,竟然勁到位居公營機構要職。八方今日就同大家揪出呢位相信係全城最貴嘅五毛。佢就係市建局企業傳訊總監Lawrence Yau邱松鶴!
有經常蒲維基百科嘅網友發現,有一位賬號Qshshq嘅網民,成日刪改一啲同市建局有關嘅條目,好似利東街抗爭咁,原本個版本係鬧爆市建局嘅社區評估係「一份有軀殼無靈魂的報告」,令居民失去保障。但有人改咗呢個條目喎,講到經市建局插手下,成個計劃又有「太陽能熱水系統、先進的省電照明設備」,變咗成個環保天堂咁。 專刪不利政府資訊

呢位Qshshq修改嘅嘢,唔單止唱好市建局,仲連對林鄭月娥同陳茂波嘅評價佢都理埋一份。例如加入埋林鄭做「市區重建」作風「實幹」。陳茂波嘅條目就仲堅,之前明明有網民留咗條link講劉迺強話過陳茂波,「不管他如何無能,甚至無恥,只要他不犯法,一段時期都要好好保住。」但呢句嘢後來又比Qshshq刪咗喎。
網友起底後,發現呢位Qshshq,原來就係市建局公關阿頭Lawrence!Lawrence噚日直認自己係有份改嘢,但佢話因為維基賬戶要用人名登記,佢要update市建局資訊先至咁做。咁點解要改埋林鄭同陳茂波啲嘢?佢話林鄭因為有做到市區重建工作;陳茂波單嘢,原來佢係想整番好一啲同張震遠有關嘅資料,但係就「錯手」刪錯咗其他嘢喎。佢話所有改動都係以事實為本,自己亦有喺網上提供個人資料以示問責。有網友就睇唔過眼,打算日內改番啲資料,「光復」歷史真相!姓名:邱松鶴Lawrence Yau
職位:市建局企業傳訊總監,曾任職貿發局、無綫電視
五毛功績:更改維基百科多條批評市建局的條目,如利東街等;刪去對陳茂波的批評

廣告