編按︰市建局又成功爭取網民unlike,改做"迫遷你"更貼切,重建後,觀塘,到處是連鎖店,難道大家樂、百佳代表我們的街坊嗎?

原文︰蘋果 21-8-2013

市建局 觀塘搞「街坊街里」

市建局似乎有舖挑機癮。繼之前將囍帖街改名「囍歡里」俾全城鬧爆,近日又有新作。

喺觀塘重建發展項目入面,信仁里、裕民坊一帶老舖陸續被迫遷;街坊老舖被趕走唔緊要㗎,皆因完成重建之後,市中心可能多咗一條賣溫情嘅大地產項目,個名會叫做「街坊街里」,英文名就叫做「Kai Fong Lane」。
網民就「頂唔順」市建局改名咁「叻」,批評市建局再次「肉麻當有趣」。據市建局介紹,街坊街里位於觀塘輔仁街、仁信里及仁愛里一帶,有四幢住宅、小販市集、公共交通交匯處、休憩公園。之但係趕走街坊後,到時係咪會變成冇街坊嘅「街坊街里」呢?

廣告