大家好, 不好意思我很久沒來了, 因為我搬了去土瓜灣居住, 都很少行過觀塘了, 不過我始終都是在觀塘大, 對觀塘有一定的感情. 近日聽朋友說, 康寧道麥記已經執左… 我個心都沉一沉… 不敢相信… 即時回去望一望, 唉… 真的… 實在太令人傷感了…
去到門口, 我咁大個仔, 都未見過呢間麥當勞會在夜晚12時之前關門的(未計佢轉24hrs之前), 而家見到佢關門大吉, 門口仲貼左張咁既紙… 唉… 悲從中來…
原來不知不覺, 呢間麥記都成21年歷史… 21年來, 我們朋友之間, 都會call this麥記as “新麥記", 21年都算新? 哈~ because compare w/ 裕民坊麥記, 呢間算新了, 以前約朋友, 不像而家人人有手提會話"到左打俾我/你啦", 以前約人係在家中電話講定時間地點等, “2點舊麥記門口等" or “2點新麥記門口等"
其實此新麥記既前身係一間酒樓, 我依稀都記得上過去飲茶, 之後轉左麥記, 當時麥記都不太平民, 我媽媽都只係偶爾帶我去吃漢堡飽… 到了中學時段, 終於都可以自己去麥記, 記得當時剛剛有套餐, 所以同同學仔一人一個餐, 所以一人有一包薯條… 哇… 倒晒去其中一個tray一齊分享… 一個小薯條山形成! 而家想起, 真係熱氣到暈耶…
唉, 新麥記已經正式寫入觀塘歷史了… 唔知各位觀塘友對這新麥記又有何回憶? 分享一下吧.
後記: 探訪新麥記呢日, 既然來了觀塘, 當然要行一個圈啦, 發現很多住客都已經遷出… 望上去大部份樓宇都漆黑一片… 😦 再行去麵街, 吃我最喜歡的牛什麵, (廣告: 多年來我只係去近巴士總站那邊的第一檔, 其他的真係未食過, 不過去左咁多年都唔記得佢叫乜名) 真係好唔想麵街執, 雖然這些麵檔多年來加價不斷, 不過唔知點解真係好好食… 心想到左麵街last day果日, 咁多間麵檔老闆會不會放下廿幾三十年來的競爭, 握手言歡, 來個大合照呢? 另外如果有觀塘友知道麵街last day係邊日, 請告知, 我想去吃"最後的晚餐". 謝謝~
活在觀塘 
11 留言
Comments feed for this article
24,一月 2011 於 2:38 下午
wai
新舊麥記,天然,寶聲,銀都,超群,長春…都是觀塘地標,於未有手提電話的年代,都是約人於觀塘市中心等的最好辨法!
可惜她們有些已消失,或將逐漸消失…
24,一月 2011 於 9:29 下午
leungtaiwai
物華街與康寧道交界的麥當奴，前身是中式酒樓。「勿當奴」的食物，我向來都沒大興趣，美國人的junk food而以。當然，junk food不一定不吸引。反而近年的「麥咖啡」，我較有興趣。不過講到食，每人應享有最大的自由吧！食乜也好，好個人。盡情享受食的樂趣！
25,一月 2011 於 11:02 下午
勿當奴的食物最啱觀塘賤民口味
觀塘賤民又無錢,想重建間屋又俾人話唔支持保育.唔食勿當奴可以食乜野!!!!
27,一月 2011 於 12:41 下午
leungtaiwai
「最」想重建的，大多是業主，因為有錢賠。住客往往只想有個安樂窩。業主有了錢，不代表住客的生活便會「被」改善。香港是個商人話事的地方，官塘重建，是勢在必行的，想從中取利的人士，不必擔心。
有人看到重建內裡的其弊而反對，不足為奇。正如有人不斷推銷重建的好處。言論自由更重要，香港不要終主國大陸的那一套假惺惺(不是周星星同學)。
想在「重建」中得利，便直言罷，不須搬出其他大道理！想要錢，想賺錢，不是醜事，也不是壞事，不是祈福黨，也不是偷情漢，更不是殺人放火(只是毀人家園而已)，做乜唔承認呢！我也想有好多錢啦，不過要「正」財！
還有，人是無分貴賤的，有錢、沒錢的人當中，都有高尚情操的。我也從不會說別人賤(即使有些人的行為如鼠，言語帶臭腥味)，這是對人的基本尊重，即使是對相反角度、立場和言論的人。
此外，天水圍被講到是甚麼悲情城市，實在對當地居民(無論是公屋居民或加李氏私樓)不公平，如今有了西鐵，雖然不是Perfect，但經已改善了。天水圍的問題，是每個新市鎮的過度問題，大家都沒有忘記當年沙田和屯門的問題吧！但說天水圍是悲情城市，可能唯一的好處是令該區的樓價不會暴升，讓多些人買到廉價樓，多些人不須為地產商供樓，多些人能將更多血汗錢，與家人、致愛分享！
今日年廿四，祝各位(包括在這網上不喜歡我的人)萬事如意、恭喜發財！我封定「利事」了，每封由10圓至500圓都有！
1,二月 2011 於 1:22 下午
leungtaiwai
勿當奴不是賣平價食物，一個包都十多圓，Panash包都無咁貴，老人家食唔起，打份牛工(工資及不及最低工資也好)，食起來也不化算，況且賣的是美國佬的快餐，快餐大多是垃圾食物，因此只是花費父母親血汗錢的細路才幫襯，當然亦有難仔、小嘍囉在打躉(廿四銷時營業)，還有保險員見客……。
不食勿當奴，在官塘，現時還可以食「東」、「興」、「輝」、「八」幾間的廣東麵食，河粉、米粉……，我就推介半肥瘦腩雜麵(走膀)。還有香城茶餐廳，和樂的義安(不是新的)餐室，間間都粒粒巨星，立足官塘幾十年的老字號。唔食舊，也可以光顧在地舖經營的各式茶餐廳，有新有舊，唔須要幫襯集團式經營的「大興」，或連員工工資都屈挖盡心思想刻扣的「帶瓜樂」。
更唔須要去大商場光顧，商場內，因為租超貴，買條底褲都貴過人，食碗叉燒飯都超貴(可能叉燒飯都唔供應，因為賣叉燒飯，點都要放兩片肉，利錢唔夠好)。
大商場唯一的好處，就是可讓享受使用冷氣機的老人家，到那裡嘆冷氣，避暑，唔使幫襯那裡的貴價貨都可以都那裡嘆冷氣的，老人家敬請好好善用這機會。
商場的貨品、食物貴，其實唔傷肝，只要價得其所便可接受。但商場是大地產商的淘金窩，租金點會唔貴！還分分鐘企個精算師的小嘍囉在店舖外，數著間舖每日有幾多個客光顧，每個客買幾多，利錢賺得有幾多，計算加租時，「奄」著加，雞肋雞肋……，除非小商戶不在商場經營，否則得到的，都盡是雞肋。將來無晒舊區，小商戶都逼著被「奄」了！
雞胸、雞腿，都是大集團式經營的商號獨享了！甚麼「右雙腦」、「把難佬」，「麗心」、「七福」、「瘋宅」……。現在還多了間大陸「各尾」！
商場的大地產商同這些「雜團」一傾，就租出十幾間舖及他們開分店了，不須要逐個同那些滿腳牛屎，只懂務實、勤奮挨出頭的小老闆仔逐個舖位「傾」呢！當然favour大集團在商場開舖，讓小本經營的自動流失。
現時，在九龍城還可以買到廿蚊三條的底褲，但在樂富領匯的商場，廿蚊都買唔到一條。我當然是講緊買底褲，唔係買死魚，因為死魚仲貴(石斑一兩都十幾蚊)！
祝各位兔年，「兔」氣揚眉，萬事如意，見到乜都一見發財！
4,二月 2011 於 10:52 上午
觀塘賤民連勿當奴都無錢食
保育人仕反對d舊樓重建,搞到d老人家要每人担驚受怕住唐樓.每日飽受危樓的多種問題威脅.佢地連勿當奴都無錢食了.梁生最開心吧!!!
4,二月 2011 於 12:01 下午
leungtaiwai
老人家食唔起勿當奴，是因為他的食物價錢貴，有錢都唔抵食！
老人家如果唔係業主，重建都無得分啦！怎得益，食乜呀！未重建都有窩，重建就訓街講來講去，香港「靚」舊區重建都不是為大眾的，為地產商！
普通住客連個公屋單位都難得分配，諸多留難，重建怎樣改善生活呢！
我都無咁好氣回應了！留翻其他人講啦！
Ｈappy Ｎew Ｙear
4,二月 2011 於 2:12 下午
小烈
估不到我一個回憶可以引起咁多迥響, 也估不到此類版面都會有人製造罵戰… (我以為只有forum先有人玩罵戰)
希望你地停下啦, 我只係寫我感受咋, 唔好太大反應啦唔該.
5,二月 2011 於 10:20 上午
40年觀塘居民
要改善d老人家租客居住環境並不是要停止舊區危樓重建, 我們應該係要政府加快公屋上樓,等佢地可以住d有良好管理架新型公屋.梁生仲想叫d老人家住d無lift又會窗台漏水架唐樓,你係咪好殘忍呢? 對於觀塘巿中心區架業主而言,佢地本身無乜錢,你叫佢搞維修去維修呢d咸水樓簡直係逼佢破產,佢地真係食都無啖好食,你仲好佢地夾錢維修? 所以最好的解決觀塘巿中心的問題就是巿建局俾錢d業主去買d較佳架樓,一口氣重建這個問題多多,當年缺乏規劃架觀塘巿中心.
5,二月 2011 於 10:31 下午
leungtaiwai
講好多次我唔係反對真正為普羅大眾著想的重建！我只是反對為地產商謀利的假重建！
官塘重建後，如果可以將老人家在原區的新或舊公屋安置，當然是好事，但事與願遺呢！重建往往只是將窮人，將貧窮一眾驅逐出官塘，將官塘變成有假錢人地區，又怎樣是社區重建的原來目標呢！
無錯要令老人家安居，多建公屋、居屋都是利民政策，但現時香港是個商人話得事的社會，令政府都不能多建公屋、居屋，怎辦，怎辦！
社會上，窮人永遠是大多數，怎可以將他們都趕到邊境，甚至境外居住，令香港變成滿口「既利孤嘮」有錢普通話北佬移民入侵的城市就「該煨」了！香港無可能區區都是山頂和半山區。但官塘不是高尚住宅區又如何，又如何！富人窮人都是人，只要是香港人便無分別！
我與富人無怨，但社區重建不為普羅大眾著想，將官塘變成動輒數萬圓一呎假豪樓的地區，又有何用。
官塘重建後，建成越來越多的私樓，又不是益晒來自中國的炒家！炒到香港的樓，連香港人都買唔起！
奶粉又搶貴晒香港人嬰兒的，生仔床位又用錢霸晒香港人的！滿街國語和普通話，土生土長香港人的耳躲聽不慣。
6,二月 2011 於 10:10 上午
40年觀塘居民
我地有好多觀塘有中心街坊其實在巿建局收購後
得到大約230萬左右的資金
好多都已經一筆過買左麗港城了(08年尾-09年頭時..麗港城19x萬,匯景220萬已經有交易)
佢地真係無改善左生活嗎?