這是一位受觀塘重建影響的街坊對張主席早前演講的評論，標楷體為街坊所添加的評論

2008/10/24市建局主席張震遠參與港大通識教育部策劃的公開論壇「市區更新的創新思維與理性平衡」。其講話內容甚多謬誤，思維足以反映市建局的政策立場，亦解釋到為何「市區重建」充滿爭議，在香港最高學府發表如此言論，簡直誤人子弟、non sense。現將部分評論分析如下：

評論觀塘的重建

(16:14)有幾種持份者……(17:19)第三個就係投資者，打釘個d人，咁佢地呢！好多時唔係喺到住，佢既關心就係搵到幾多錢，咁但喺通常最大聲音就係呢d釘王，對我黎講，personally，你有能力買幾個單位得唔到我d同情心，但係佢地因為有資源，所以好識利用傳媒爭取佢地要既嘢，另外一樣呢，我自己好睇唔過眼呢，用一d真係業主、住客身份，話名代表佢地，去爭取一d對佢地有利益既嘢，咁我地依家都見到係觀塘。

（1.）持份者為何有種類？誰將他們分類？甚麼是釘？

（2.）在一個5.3公頃大的重建區擁有超過一個單位是罪嗎？

（3.）傳媒同情小業主，作出反映事實的報導是錯嗎？指控如果並非是實，報章會採納報導嗎？

（4.）市建局有否經常邀請各大傳媒的主編、記者出席「飯局」？到底誰財雄勢大。

（5.）業主有真假的嗎？業主不是就是屋契上註明嗎？

最後，一個講了二十年的重建項目，如果一個投資者將物業空置十多年等收購，租金、差餉、管理費可能損失過百萬，張震遠仍然「睇唔過眼」、「得唔到我d同情心」。

(78:20)我地將重建攞到嘅資源全部俾番重建影響到業主同居民，係一個好好安排，其實你睇URA個economic好簡單，其實有少少好似co operative ，我地as a agent，我地攞咗業主、租客d物業，重建咗之後，賺到既錢俾番曬佢地，因為點，at the end of the day URA 無賺錢、無keep 到錢，比如個觀塘項目，係class case，要賠一萬幾，係non sense 嚟。因為業主大聯盟d人，每個人有好幾個單位(79:08)，打釘，以為咁樣做到可以俾壓力我地，但係係觀塘好簡單，好似去咸田，藍田，果個叫咪樓LAGUNA，麗港城，你以家去麗港城，麗港城就唔錯，你買一個七年既樓麗港城幾多錢，唔好講，一呎五千蚊到，五千蚊到，將果個同觀塘市中心D樓爛到不得了。有D人話觀塘依家係地王，你賠一萬幾蚊，係完全係荒謬，你依家新樓都賣唔到一萬蚊係觀塘，咁我俾一萬你，你要啊。如果俾一萬蚊，個項目分分鐘蝕一百個億。閒閒地蝕一百個億，所以點做啊，所以係你要知道，果D人唔代表業主和居民(80:27)，佢地係代表佢自己既利益，我地要幫唔係果D人，果D人大把錢。

（1.）市建局是agent？賺到既錢俾番曬佢地？

據市建局剛公布的07/08年度年報，其總資產由06/07年度的127.6億元增至159.5億元，扣除政府的100億元注資，即市建局7年來獲利近60億元。一個平均每年賺8.5億的agent，同時肯定是香港八大地產商的地皮agent。「賺到既錢俾番曬佢地」如真實，市建局的盈餘何來？還未計算地產商所賺。

（2.）誰是業主大聯盟d人？

觀塘市中心區重建業主立案法團大聯盟是一個已註冊社團，由觀塘市中心區10個有業主立案法團主席及委員，加上個別大廈業主組成，法團成員事實上均通過選舉產生，同時久居社區數十年，熱心服務街坊和肯承擔的人士組成。

（2.）觀塘重建戶可搬去麗港城？

立法會通過市區重建條例，承諾「七年樓齡」的賠償，麗港城已經是14-18年樓，張震遠描述5,000元呎，其實是建築面積，而市建局賠是實用面積，同時市建局由於觀塘區內沒有「七年樓齡」的住宅物業，故此要向其他區域，即特點（市中心）及交通方面（港鐵站毗連）與觀塘市中心相若的所謂「同類地區」作為依據，故麗港城的比喻根本不合適上述的要求。

（3.）賠一萬幾蚊，項目分分鐘蝕一百個億？

觀塘市中心區重建業主立案法團大聯盟指稱10,215呎價是聘請專業的測量師根據市建局的指引而測計評估的（報告已交市建局），並非憑空捏造。張震遠稱蝕100億有何憑據。

（4.）「我地要幫唔係果D人，果D人大把錢」，甚麼是有錢人？

張震遠如何分辨誰是有錢人？出租業主？空置業主？非唯一居所業主？因此要受市建局剝削，並被描述合理化。觀塘重建區的匯豐銀行年賺幾百億，那麼有錢，是否要將物業送給市建局。


市區重建變成福利政策???


(94:25)現家我地好辛苦，你睇我地好慘，每一個project take forever，好多好多年，但係你又睇到一日呢d項目未完成，一日住係果度d居民stick，terrible thing你諗下，我地感受唔到個痛苦，d居民唔應該繼續住係果到，what can we do，所以點解我覺得重建is the only efficient way ，啱啱有人問到，阿Roger (Ho)窮富懸殊。我同你講重建啊is the biggest welfare program there is in Hong Kong，(95:08)你諗下，香港有邊一個社會服利政策可以俾一個完全無資產，一個月搵三千蚊嘅一家人，俾佢十幾二十萬，一次過，下，no question ask 呢二十萬對佢嚟講唔扶貧就假。所以呢對呢d人嚟講，當然你要問佢你想唔想留番係個區個到，但係有二十萬留番係個區到，the world is not perfect 。但係我覺得對呢個人嚟講，對嚟個家旅嚟講，攞到二十萬，對佢地嚟講is the most important thing。因為大佬啊，你諗下，如果一個月賺三、四千蚊、五千蚊，你俾二十萬我，there is nothing more important than that 。


（1.）張震遠指「重建啊is the biggest welfare program there is in Hong Kong」？


張震遠指租戶有二十萬賠償，是否每個租戶到拿到二十萬，而租戶的補償是扣去業主的自置居所津貼的一半，金額是幾十萬以上。張震遠指一個月搵三千蚊嘅一家人得到二十萬賠償是「大件事」，市建局是他們的恩人，因為是他給予的施捨。試問一個基層家庭因平租才住舊區，賠償可幫助他們支撐貴的租金及交通費多久。


評論嘉咸街街市重建

(44:19)全世界最貴街市，係黃金地帶起個街市………..(46:01)arrest the decline of this market，宜家我地同食環署講，破天荒俾佢發新牌，即係如果你鐘意想做小販，可以係嘉咸街申請報照，我地想等d年青人做小販，可能唔俾你地(港大學生)，帶d新血入去賣唔同既野，唔係好似宜家 they just waiting for patient to d


評論為何一定只賠現金，為何無樓換樓

(80:38)我地要幫係果D住係觀塘三、四十年宜家七十幾齡果D老人家，退左休無入息，無現金，就係得個層樓，有層樓入唔到公屋，又無錢做維修，好慘、好無奈，咁一呢…. 佢又唔敢賣俾地產商，得果幾十萬，佢住邊道，好慘，所以等我地(市建局)嚟(81:04)，好多時攞幾百萬，佢可係附近買一層樓，重有D錢淨番，我覺呢個安排幾好。